يا حمد

نبت بين الظلوع المجدبة صمت .. وخطاك البين..
وأنا لا هزني صوت(ن) : "علامك؟ " أنفضح كلي..
أخاف من العتب كثر انكساري ..وأنت وينك وين..
ولا عندي " دفاتر " تحتوي ( هذري!!!) .. ولا غلي..
تجاوبني الجبال إليا شكيت!!! وهذ ... زرق العين..
ولاني مستريح بضحكتي ( :  " لو " وجهي مهلي..
أدور "بالوجيه" أحد(ن) .. ( يلم الجرح ) بالكفين..
يزمزم عثرتي (....) عن شامت(ن) بأفكاره مولي..
أبي .. " لا شبت شموعي " .. يداريها عن الهافين..
ذراي ... إليا درع " وسط الحنايا " .. خنجر مفلي..
تعبت أدرى جروحي ( ياحمد ).. ولسانهم سكين..
هجوسي كافرة ..!!! لو شفتها .. والخافق مصلي..
همومي مالها شط(ن) يرسي خافقي..في الطين..
وصاري مركبي يذبل وأنا: " ياليته!!!!!! " .. وعلي..
ويطري للخفوق "شلون راحوا " .. ربعي المقفين..
هماج الما " بكف الضاعنين " ..!!! وسيدهم خلي..
أنا أدري ضايق صدرك ولاأنت بفاضي(ن) بعدين..
ولكن الشعر  " هز الهجوس " ... وطاح في ظلي..