هبت مع الذكرى هبوب التباريح
وجابت شمالك صورة من حنينك
واتبعثرت الأوراق مع زمت الريح
وسألت: وشسوا الغلا مع سنينك
خلان .. وتقوم الهواجيس وتطيح
ويني؟ وعن ليل المواصيل وينك؟
كنّا نسوق الغيم.! ونغازل الشيح
وكان الزمان يوقف برمش عينك.!
وكانت تضحكنا هبوب المراجيح
يوم الرسايل ..!! مستلذة بيدينك
والحين أقلّب بالكفوف المسابيح
مدري عن الي تحظنه في يمينك
إبعاد .. وبطول المسافة مجاريح
وأقول لا يمكن تردك ..!! سنينك
تبعثرنا الأماني والأمل ياحمود فيني خطر
وفالشارع صدا غصة حنين ولهفة وأعلام
تخيل لو قدرت تعبي الذكرى بغرشة عطر
ترشه كل ما تقسى الليالي .! وترجع الأيام
ترد الكون لأحلامه وقصتنا من أول سطر
نرتبها من الأول ..!! ونقطفها من الأحلام
نلملمها من شتات الليالي وكل رشة مطر
من صدور الأماني والسطور ولهفة الأقلام
ترجعنا من النسيان والي فالأماني خطر
نسافر مثل الأيام الخوالي.! والعمر قدّام
وتتماسك يدينا كثر شوقٍ.! فالحنايا نطر
تخيل ترجع الدنيا خضار لسالف الأعوام
وتخيل لو قدرنا نعبي الذكرى بغرشة عطر
نرشه كل ما تقسى الليالي .. وترجع الأيام
ليلة البارح نثر شعري ..!!! سواليف الغمام ..
مزنة هذرت على .. الشباك شرهات وعتب ..
الحزن في صوتها ..!!! والليل مبوح الكلام ..
بردها بين الظلوع ..!! وسمها وسط الهدب ..
لومها زخات ..! و الشرفه مسكرها الخصام ..
وخايف الغيمة تبللني ...!!! إذا حبري كتب ..
طار مني في هذاك الليل ""عصفور"" المنام ..
مجفي أبواب الكلام.! وطبعه القاسي سبب ..
شمعة الذكرى تميع .!!! ووردتين من الغرام ..
وتبرد القهوة.. وأحاتي موعدٍ وجهه شحب ..
والضباب أرسم عليه قلوب وعيون وسهام ..
ودمعة زرقا تهادى وأمسك أعصابي غصب ..
أبطت جروحي و هي تسري تهذري بالملام ..
وليلة البارح .....!! تنقّض كل جرحٍ مكترب ..
والشتا ليله قصيد ..! وهيض الشعر الغمام ..
والوصل توه بعيد ..!!!! ومانفع فيه العتب ..
يسكن الشعر...!! بعيونك والغرام ..
والحذر سجني وبوحي ما أقدره ..
معذره ما أقدر على بعض الكلام ..
خايفٍ خفاقك العذب ...! أخسره ..
صمتي بشباكه ...!! ينوح الحمام ..
ومن كبر..! خوفي سنين امسكره ..
لا تلوم إلي شرب كاس ..! الملام ..
لو يخاف من الكلام ...! ويضمره ..
في خفوقي شي.!! وبعيني عسام ..
وإن سكت أرجو!! تسوق المعذره ..
التجارب خير برهان ...!!! الكرام ..
والرجل..!!! تقصر عن الي تحذره ..
وشلون أحس بطعم بكره ..! ولا اشوفك ..
صرت أنت وقتي .. وكل الوقت ساعاتك ..
أضبط "مواعيد ساعاتي" .. على ظروفك ..
وأخاف ما تصدف ..!! أوقاتي مع أوقاتك ..
تبدا ..!!... "صباحاتي" العذبه من كفوفك ..
وما غمض إلا ....!! وتقراني من مساءاتك ..
احبك "كلمة" ..!! ما كانت إلا ؛؛ حلم وتحقق ..
ترى منك تعلمت المحبة ...!!!! وأنت سيدها ..
أنا ما عرف غيرك داخلي .. وبخافقي يخفق ..
ولا عيني .. بعد عينك .. أحد يقدر يسهدها ..
سولف على شباكه العود ...!! والماي ..
وأنا أشتكي للقيض.. كثر التحاسيف ..
حرك شعوري مزنة(ن) هزت أحشاي ..
في صورته .. ياحلو ذيك المشاريف ..
والله يا لولا ( ...!! ) الحيا يمنع مناي ..
جيته ..!!!! ولكن امنعتني الصواديف ..
وودي يخاويني ....!!!! وأخليه يمناي ..
في ليلة قمرا (: ...! خلتها الصواريف ..
أسوي الدلة ....!!! وهو يضبط الشاي ..
وأسري وأسولف لين أمل السواليف ..
